Leikurinn hefst 18:45
Dimitri Payet, fyrirliði Marseille, vonast til að sitt lið skrifi nafn sitt í sögubækurnar með því að vinna Atletico Madrid í úrslitaleik Evrópudeildarinnar í Lyon í kvöld.
Franska liðið er komið í sinn fyrsta Evrópuúrslitaleik síðan 2005 þegar það tapaði gegn Valencia í úrslitaleik UEFA Cup.
Atletico vann keppnina 2010 og 2012 og hefur síðan tapað í tveimur úrslitaleikjum Meistaradeildarinnar.
Franska liðið er komið í sinn fyrsta Evrópuúrslitaleik síðan 2005 þegar það tapaði gegn Valencia í úrslitaleik UEFA Cup.
Atletico vann keppnina 2010 og 2012 og hefur síðan tapað í tveimur úrslitaleikjum Meistaradeildarinnar.
Payet, sem er fyrrum miðjumaður West Ham, lagði upp bæði mörkin gegn Red Bull Salzburg í undanúrslitum en Atletico lagði Arsenal til að komast í úrslitaleikinn.
Diego Simeone, stjóri Atletico Madrid, verður í stúkunni í kvöld þar sem hann tekur út leikbann. Aðstoðarmaður hans, German Burgos, sér um að stýra frá hliðarlínunni.
„Það er leiðinlegt að vera ekki á hliðarlínunni en við höfum þekkt hvorn annan allt okkar líf og skiljum fótboltann á sama hátt. Ég hef alla trú á honum," segir Simeone.
Atletico hefur þegar tryggt sér sæti í Meistaradeildinni á næsta tímabili með því að enda í topp fjórum í La Liga en Marseille verður líka með í Meistaradeildinni ef liðið vinnur í kvöld.
Byrjunarlið Marseille: Mandanda, Rami, Amavi, Zambo, Sarr, Payet, Gustavo, Sanson, Thauvin, Ocampos, Germain.
Byrjunarlið Atletico Madrid: Oblak, Godín, Giménez, Hernández, Vrsaljko, Gabi, Koke, Saúl, Correa, Griezmann, Costa.
Fylgst verður með gangi mála í úrslitaþjónustu á forsíðu Fótbolta.net
Athugasemdir