Líklega verður Argentínumaðurinn ungi Juan Foyth fyrstu kaup Tottenham í sumar en hann leikur sem varnarmaður hjá Estudiantes í heimalandinu.

Tottenham er eina liðið í ensku úrvalsdeildinni sem á eftir að kaupa leikmann í sumar en félagið seldi Kyle Walker til Manchester City á metfé fyrir varnarmann.

Foyth hefur staðfest það við argentískt blað að félögin, Estudiantes og Tottenham eru í samningarviðræðum um leikmanninn.

„Ég veit að það eru samningaviðræður við Tottenham en ég reyndi að einbeita mér að leiknum," sagði Foyth eftir leik í Meistaradeild Suður-Ameríku, en hann átti frábæran leik í 1-0 sigri.

Tottenham hefur einnig áhuga á Ross Barkley en félagið hefur verið orðað við hann í allt sumar.