Ágúst Eðvald spilaði vel í dag.
„Þeir voru hrikalega góðir og þetta var ógeðslega erfitt," var það fyrsta sem Ágúst Eðvald Hlynsson fyrirliði U-17 ára landsliðsins sagði eftir 7-2 tap gegn Þjóðverjum í vináttuleik í Egilshöllinni í kvöld.
Staðan var 3-0 fyrir Þjóðverja eftir korters leik en Ísland minnkaði muninn í 3-2. Það dugði þó skammt þar sem þýska liðið var töluvert sterkara í seinni hálfleik.
Staðan var 3-0 fyrir Þjóðverja eftir korters leik en Ísland minnkaði muninn í 3-2. Það dugði þó skammt þar sem þýska liðið var töluvert sterkara í seinni hálfleik.
Lestu um leikinn: Ísland 2 - 7 Þýskaland
„Við lendum 3-0 undir snemma en komum til baka í 3-2 og fáum smá trú en svo misstum við þetta aftur niður, þetta var mjög erfitt."
Ágúst var besti maður Íslands í leiknum og skoraði hann fyrra mark þeirra með skoti utan teigs. Markmaður Þjóðverja var í boltanum en inn fór hann.
„Ég fékk hann fyrir utan teig, touchaði hann og lét bara vaða á markið, ég bjóst ekki við því að ég myndi skora en hann lak inn."
Hann segir U-17 ára landslið Þjóðverja vera betra en liðin í Pepis-deildinni en Ágúst hefur reynslu úr efstu deild, þrátt fyrir að vera aðeins 16 ára gamall.
„Þetta var svipað en mér finnst þessir gæjar betri en þeir sem eru í efstu deild. Þeir eru líkamlega sterkari og fljótari en við," sagði Ágúst.
Viðtalið má sjá í heild sinni hér að ofan.
Athugasemdir
