Manchester United sigraði Blackburn í 16-liða úrslitum ensku bikarkeppninnar í dag en varamannbekkur stórliðsins vakti athygli í dag.
Fyrir utan að vera einn dýrasti varamannabekkur sögunnar, þá vilja margir meina að hann hafi einnig verið einhver sá sterkasti í sögunni.
Paul Pogba og Zlatan Ibrahimovic byrjuðu báðir á bekknum í dag en þeir komu inn á 62. mínútu og skoraði Zlatan sigurmarkið eftir stoðsendingu Pogba.
Juan Mata kom einnig inn á völlinn undir lok leiksins.
Aðrir sem voru á bekknum voru Eric Bailly, Bastian Schweinsteiger, Luke Shaw og Dean Henderson en sá síðastnefndi er ungur varamarkvörður, líklega til þess að vega upp á móti stórstjörnur bekksins.
Athugasemdir