Eintracht Frankfurt tók á móti Augsburg í mikilvægum Evrópuslag eina leik kvöldsins í efstu deild þýska boltans og tóku gestirnir frá Augsburg forystuna snemma leiks.

Ruben Vargas skoraði á þrettándu mínútu og gerðist lítið marktækt í rólegum fyrri hálfleik. Staðan 0-1 fyrir gestina.

Heimamenn nýttu færin sín vel í síðari hálfleik og sneru stöðunni sér í vil með mörkum frá Fares Chaibi og Hugo Ekitike.

Frankfurt var sterkari aðilinn, þar sem gestunum frá Augsburg tókst lítið sem ekkert að ógna, og endaði Omar Marmoush á að tryggja sigurinn með marki í uppbótartíma.

Lokatölur 3-1 fyrir Frankfurt og er þetta frábær sigur fyrir liðið í evrópubaráttunni. Frankfurt er núna sex stigum fyrir ofan Augsburg og Freiburg í baráttunni um sjötta sætið.