Mið-Ísland grínhópurinn kom óvænt til Gelendzhik í Rússland í gær og skemmti þar fyrir bæði landsliðið og síðan fyrir fjölmiðlamenn frá Íslandi, allt í boði Vodafone.
Þetta var þó ekki það eina sem þeir félagar gerðu í Rússlandi því að sjálfsögðu voru þeir meðal áhorfenda á leik Íslands og Argentínu síðastliðinn laugardag.
„Það var stressandi en mjög gaman. Öll stemningin í kringum þennan leik var alveg frábær. Þetta er ekki ósvipað því sem gerðist síðast í Frakklandi en þetta er enn meira; það verða ekki aftur saman 5 þúsund Íslendingar í Moskvu held ég," sagði Jóhann Alfreð, einn meðlima Mið-Íslands í viðtali í gær.
Þetta var þó ekki það eina sem þeir félagar gerðu í Rússlandi því að sjálfsögðu voru þeir meðal áhorfenda á leik Íslands og Argentínu síðastliðinn laugardag.
„Það var stressandi en mjög gaman. Öll stemningin í kringum þennan leik var alveg frábær. Þetta er ekki ósvipað því sem gerðist síðast í Frakklandi en þetta er enn meira; það verða ekki aftur saman 5 þúsund Íslendingar í Moskvu held ég," sagði Jóhann Alfreð, einn meðlima Mið-Íslands í viðtali í gær.
Um upplifunina á leiknum segir hann:
„Ég og Bjössi (Björn Bragi) fórum til Frakklands Dóri og Bergur höfðu ekki komið á stórmót. Bergur var farinn að ofanda fyrstu mínúturnar þannig að við þurftum að styðja hvorn annan strákarnir. Þegar komið var inn í seinni hálfleikinn hafði maður ekki brjálaðar áhyggjur af þessu. Ég vissi að þetta myndi fara vel."
Týndi símanum en er drullusama
Alfreð Finnbogason skoraði mark Íslands.
„Ég var í treyju Alfreðs númer 11, ég sendi nokkrar góðar myndir og var mjög sáttur við minn mann," sagði Jóhann Alfreð en ferðalagið hjá honum ef ekki alveg gengið snurðulaust fyrir sig.
„Ég tapaði símanum mínum í leigubíl, gleymdi honum í leigubíl. Asnaskapur. En ég ákvað það daginn eftir að sleppa því að hafa áhyggjur. Einn sími til eða frá, "who cares"."
„Við förum upp úr riðlinum, ég þorfi ekki að segja annað fyrst Heimir er hérna á ferðinni," sagði Jóhann að lokum.
Viðtalið er í heild sinni hér að ofan.
Athugasemdir