Scott McTominay vonast til að feta í fótspor leikmanna eins og Marcus Rashford og Jesse Lingard. Honum dreymir um að vinna sér sæti í aðalliði Manchester United.
McTominay, sem er tvítugur, lék sinn fyrsta leik með aðalliði United undir lok síðasta tímabils.
McTominay, sem er tvítugur, lék sinn fyrsta leik með aðalliði United undir lok síðasta tímabils.
Hann spilaði nokkra leiki á undirbúningstímabilinu, en hann hefur ekkert spilað síðan alvöru tímabilið hófst.
„Það er draumur að rætast að spila með aðalliðinu, að spila gegn liðum eins og Real Madrid," sagði McTominay.
„En þú vilt alltaf meira og ég vil spila í stóru leikjunum, í keppnisleikjunum og gera mitt besta."
Manchester United mætir Burton Albion í enska deildabikarnum í dag og það er aldrei að vita nema McTominay fái tækifæri þar.
Athugasemdir