Varnarmaðurinn Gunnar Gunnarsson hefur skrifað undir nýjan samning við Val en frá þessu er greint á heimasíðu félagsins. Gunnar er 21 árs varnarmaður sem kom til Vals fyrr á þessu ári.
Nýr samningur er til eins árs en Gunnar kom við sögu í alls tíu leikjum í Pepsi-deildinni á liðnu sumri. Gunnar lék með Stjörnunni og Víkingi í yngri flokkum og svo fyrir Hamar og Gróttu í meistaraflokki áður en hann gekk í raðir Vals.
Nýr samningur er til eins árs en Gunnar kom við sögu í alls tíu leikjum í Pepsi-deildinni á liðnu sumri. Gunnar lék með Stjörnunni og Víkingi í yngri flokkum og svo fyrir Hamar og Gróttu í meistaraflokki áður en hann gekk í raðir Vals.
„Gunnar er getur leyst flestar stöður í vörninni og lofaði góðu þegar hann fékk tækifæri m.a. gegn FH í Kaplakrika. Það eru góðar fréttir að þessi efnilegi varnarmaður verði áfram í röðum félagsins," segir á heimasíðu Vals en þar er birt myndbandsviðtal við hann.
„Það var frábær reynsla að fá að spila fyrir svona stóran klúbb og frábært að fá að endurnýja," segir Gunnar í viðtalinu.
Hann segir gott jafnvægi í þjálfarateymi Vals en Ólafur Jóhannesson tók við stjórnartaumunum með Sigurbjörn Hreiðarsson sem aðstoðarmann.
„Ólafur er yfirvægaður gæi og svo er mikill drifkraftur í Bjössa. Mér hefur litist mjög vel á þá hingað til."
Viðtalið sem Ragnar Vignir tók við Gunnar fyrir heimasíðu Vals:
Athugasemdir