Swansea er í góðri stöðu í ensku úrvalsdeildinni þrátt fyrir að vera bara sæti fyrir ofan fallsæti. Liðið er fjórum stigum frá fallsætinu og á leik til góða á Southampton, sem er í 18. sæti.

Staðan er því góð og er Carlos Carvalhal, stjóri Swansea, orðinn nokkuð vongóður um að liðið muni halda sér uppi. Hann veit nákvæmlega hvernig hann mun fagna þegar liðið verður komið með öruggt sæti í deildinni á næsta tímabili.

„Ég er með flösku sem Jose Mourinho gaf mér þegar við spiluðum gegn þeim, flösku af portúgölsku víni," sagði Carvalhal við Sky.