Theodór Elmar Bjarnason, leikmaður Randers í Danmörku, lék allan leikinn er liðið sigraði Esbjerg með einu marki geng engu í dönsku deildinni í dag.
Elmar er lykilmaður í liði Randers en hann hefur leikið 53 leiki og skorað eitt mark fyrir liðið frá því hann kom frá IFK Gautaborg fyrir tveimur árum.
Hann lék allan leikinn í sigri Randers á Esbjerg í dag en þetta var fyrsti leikur liðsins í dönsku deildinni. Elmar lagði upp eina mark leiksins.
Ögmundur Kristinsson, sem kom til Randers frá Fram á dögunum, var þó allan tímann á tréverkinu.
Athugasemdir