Átta umferðir eru að baki í Pepsi-deildinni. Hér sjáum við tíu leikmenn í deildinni sem hafa ekki staðist væntingar hjá fréttariturum Fótbolta.net það sem af er tímabili. Fleiri bönkuðu fast á dyrnar og geta talist heppnir að komast ekki á þennan lista sem enginn vill vera á!
Aron Bjarnason - Breiðablik: Markahæsti leikmaður ÍBV í fyrra átti að lífga upp á sóknarleikinn hjá Blikum en hefur afar lítið látið til sín taka.
Derby Carrillo - ÍBV: Atvinnumanni hent á bekkinn vegna slæmrar frammistöðu. Þar hefur hann mátt dúsa.
Þórir Guðjónsson - Fjölnir: Meðal margra Fjölnismanna sem hafa lítið sýnt. Öflugasti markaskorari Grafarvogsliðsins þarf að sýna meira ef liðið ætlar ekki að vera í fallveseni í allt sumar.
Nicolaj Köhlert - Valur: Var í unglingaliði Liverpool en hefur ekki komist í hóp hjá Val. Hansen og Bögild verið lélegir en Köhlert botnar þá!
Robert Menzel - ÍA: Fenginn til að fylla skarð Ármanns Smára en verið úti á túni. Skagamenn eru að rétt úr kútnum... með Menzel á bekknum.
Halldór Orri Björnsson - FH: Stóð ekki undir væntingum hjá Stjörnunni en FH-ingar ákváðu að veðja á að hann myndi finna taktinn hjá sér. Það hefur alls ekki gengið eftir.
Hafsteinn Briem - ÍBV: Klárlega einn besti leikmaður ÍBV en hefur fengið dýrkeypt rauð spjöld og átti dapran dag þegar hann kom aftur úr banni á dögunum.
Kassim Doumbia - FH: Íslandsmeistararnir eru í lægð og Draumurinn hefur verið óöryggið uppmálað í hjarta varnarinnar.
Athugasemdir