,,Mér líður mjög vel að vera komin með 7 stiga forystu en mjög illa yfir illa spiluðum leik af okkar hálfu," sagði Ásgerður Stefanía Baldursdóttir miðjumaður Stjörnunnar eftir 1-0 sigur liðsins á Breiðabliki í toppslag umferðarinnar í Pepsi-deild kvenna.
Lestu um leikinn: Stjarnan 1 - 0 Breiðablik
,,Við vorum virkilega slakar í dag. Við héldum ekki boltanum, sköpuðum engin færi og vorum illa skipulagðar í seinni hálfleik sérstaklega," hélt hún áfram.
Stjarnan er komið með sjö stiga forskot á toppi deildarinnar þegar 8 umferðir eru enn eftir. Hvernig metur Adda möguleikana?
,,Við tökum bara næsta leik og erum ekkert að hugsa neitt lengra en það. Vonandi söfnum við bara stigum og höldum okkur á toppnum."
Viðtalið má sjá í sjónvarpinu að ofan.
Athugasemdir