Lestu um leikinn: Ísland 1 -  2 Sviss

„Það er alltaf gaman að skora en ömurlegt þegar það telur ekki neitt."

„Eftir að þær komust yfir spenntumst við upp. Það voru tækifæri sem við hefðum getað nýtt okkur með smá ró og yfirvegun. Við reyndum eins og við gátum að dæla boltanum inn í en þetta gekk ekki upp."

Hlutirnir voru ekki að ganga upp hjá stelpunum okkar og ofan á það voru stórir hlutir í dómgæslunni að fara gegn þeim.

„Dómarinn var oft að flauta út í loftið og stoppa flæðið í leiknum. Við náðum engu flæði í leikinn. Þær voru duglegar að væla í henni."

Hefðum við átt að vera duglegri að væla í dómaranum líka?

„Nei það á að láta þessar kellingar eiga sig. Þær eiga að láta leiknum að fljóta."

Það er gríðarlegur uppgangur í kvennafótbolta frá öllum hliðum séð en svo virðist sem dómgæslan sé hinsvegar að sitja eftir.

„Ég er sammála þér þarna. Það er eins og þessar konur séu ekki með þetta. Þær eru ekki á sama leveli og við," sagði Fanndís en viðtalið má sjá í heild í sjónvarpinu hér að ofan.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki