Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 23. janúar 2018 22:42
Guðmundur Aðalsteinn Ásgeirsson
Spánn: Sevilla kláraði Atletico Madrid
Griezmann niðurlútur. Leikmenn Sevilla fagna í fjarska.
Griezmann niðurlútur. Leikmenn Sevilla fagna í fjarska.
Mynd: Getty Images
Sevilla 3 - 1 Atletico Madrid
1-0 Sergio Escudero ('1)
1-1 Antoine Griezmann ('13)
2-1 Ever Banega ('48, víti)
3-1 Pablo Sarabia ('79)

Atletico Madrid er úr leik í spænska Konungsbikarnum eftir 3-1 tap gegn Sevilla á útivelli í kvöld. Atletico hafði tapað fyrri leiknum á heimavelli sínum og var því í erfiðri stöðu fyrir leikinn í kvöld.

Staðan batnaði svo sannarlega ekki fyrir Atletico þegar Sergio Escudero kom Sevilla yfir eftir nokkrar sekúndur á þessu þriðjudagskvöldi.

Antoine Griezmann jafnaði fljótlega fyrir Atletico og vonin var enn til staðar. Staðan var 1-1 í hálfleik.

Í upphafi seinni hálfleiks gerði Ever Banega nánast út um leikinn þegar hann skoraði úr vítaspyrnu. Ef það var einhver vafi sá Pablo Sarabia til þess að hann hvarf algjörlega á 79. mínútu.

Lokatölur urðu 3-1 og þeir vinna einvígið samanlagt 5-2. Sevilla er fyrsta liðið sem er komið í undanúrslit spænska bikarsins.
Athugasemdir
banner
banner
banner
banner