„Ég var gríðarlega svekkt. Þetta eru íþróttirnar. Þær eru ömurlegar á tíma en geggjaðar á öðrum mómentum, ef það hefði farið þannig. Mótlætir styrkir mann," sagði varnarmaðurinn jákvæði, Sif Atladóttir.
Ljóst var í gærkvöldi að íslenska landsliðið er úr leik á Evrópumótinu í Hollandi. Tap gegn Sviss og jafntefli í leik Frakklands og Austurríki gerðu það að verkum að Ísland fer heim af EM eftir leikinn gegn Austurríki á miðvikudaginn.
Ljóst var í gærkvöldi að íslenska landsliðið er úr leik á Evrópumótinu í Hollandi. Tap gegn Sviss og jafntefli í leik Frakklands og Austurríki gerðu það að verkum að Ísland fer heim af EM eftir leikinn gegn Austurríki á miðvikudaginn.
„Einbeitingaleysi í hálfa sekúndu, það þurfti ekki meira. Það er sorglegt þegar maður hugsar til baka og hvað maður hefði getað gert betur. Ef og hefði, er alltaf mikið. Mér finnst ótrúlega lítið sem við hefðum getað breytt. Þær fá þrjú skot á markið, tvö fara inn. Frakkarnir fá sama sem ekkert marktækifæri. Við erum með ótrúlega gott varnarlið og mér fannst það ganga ótrúlega vel upp. Það féll ekki okkar megin í þessu móti," sagði Sif.
Fyrir mót ríkti mikil spenna fyrir mótinu. Markmiðin voru skýr, Ísland ætlaði sér uppúr riðlinum. Þegar litið er á úrslit Íslands eftir að það tryggði sér sæti á EM í september í fyrra, hefur liðið aðeins unnið þrjá sigra í síðustu 14 leikjum.
„Við erum með geggjað lið en því miður skoruðum við ekki. Maður verður að gera það í fótboltaleik. Við erum með gott lið og frábæra liðsheild og frábæra umgjörð sem ég er ótrúlega stolt yfir. Ég er ótrúlega stolt af öllum sem koma að þessu liði. Stundum þarf maður að taka skref til baka til að bæta sig. Tiger Woods fór heldur betur til baka og datt af heimslistanum þegar hann breytti um sveiflu. Erum við ekki bara í miðri breytingu á sveiflu í þessu mómenti. Við sjáum hvað gerist í haust, það verður spennandi tímar."
„Ef maður hugsar aðeins um það hvað gerist eftir að við tryggjum okkur á EM þá missum við svolítið af leikmönnum í meiðsli og annarsskonar fjarveru. Þetta kerfi hentar þessum hóp og þessum einstaklingum. Við þurfum að aðlaðast að því sem við höfum og því sem þjálfarinn telur að sé best fyrir hópinn. Við vitum að hann þekkir hópinn út og inn. Við trúm og treystum á því að Freyr hafi gert rétt og heldur áfram að vinna í þessu og við stöndum allar saman. Við erum í miðri sveiflu, við þurfum meiri tíma til aðlaga okkur. Því miður gerðist það á þessu mómenti. Það er eitthvað í uppsiglingu, það er alveg klárt.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir