Shkodran Mustafi, varnarmaður Valencia, er ekki til sölu samkvæmt stjóra liðsins, Pako Ayestaran.
Arsene Wenger hefur mikinn áhuga á þessum þýska landsliðmiðverði enda er Arsenal í miklum vandræðum með varnarlínuna hjá sér.
„Mustafi er ekki til sölu og hann mun ekki yfirgefa félagið á næstunni. Forsetinn gaf það út opinberlega að hann væri ekki til sölu og ég verð að trúa henni," sagði Ayestaran eftir 4-2 tap Valencia gegn Las Palmas í gær.
Mustafi hóf leik á varamannabekknum en var skipt inná í leikhléi þegar staðan var 3-2 fyrir Las Palmas.
Athugasemdir