Alexander Aron Davorsson er laus allra mála hjá Aftureldingu en þetta staðfesti hann við Fótbolta.net. Alexander skoraði 15 mörk í 20 leikjum fyrir Mosfellinga á liðnu tímabili í 2. deildinni og var valinn leikmaður ársins hjá félaginu.
Sumarið þar á undan var hann með 10 mörk í 20 leikjum.
Sumarið þar á undan var hann með 10 mörk í 20 leikjum.
Hann er 23 ára og hefur allan sinn meistaraflokksferil leikið fyrir Aftureldingu og dótturfélag þess, Hvíta Riddarann, ef undan er skilin lánsdvöl hjá Leikni Fáskrúðsfirði 2012.
„Eftir fund í gær er ljóst að ég er laus allra mála og mun nú nota tímann til að skoða næstu skref. Stefnan er að spila ofar en í 2. deild," segir Alexander.
Þrátt fyrir að Alexander hafi verið iðinn við kolann á liðnu tímabili var Afturelding í vandræðum og rétt náði að bjarga sér frá falli úr 2. deildinni.
Athugasemdir