Hannes var kátur með sigurinn.
„Þetta var hættulegur og erfiður leikur að mörgu leyti að fara í," sagði Hannes Þór Halldórsson, markvörður íslenska landsliðsins, eftir 2-1 sigur á Kosóvó í undankeppni HM í kvöld.
„Þeir eru með flott fótboltalið og sýndu það í upphafi leiks og upphafi seinni hálfleiks að þeir eru mjög góðir," sagði Hannes enn fremur um mótherja Íslands í kvöld.
„Þeir eru með flott fótboltalið og sýndu það í upphafi leiks og upphafi seinni hálfleiks að þeir eru mjög góðir," sagði Hannes enn fremur um mótherja Íslands í kvöld.
Lestu um leikinn: Kosóvó 1 - 2 Ísland
Ísland komst í 2-0 og þannig var staðan þegar dómarinn flautaði til hálfleiks, en leikmenn Kosóvó komu grimmir inn í seinni hálfleikinn og náðu að minnka muninn snemma.
„Þeir komu náttúrulega bara grimmir út í seinni hálfleikinn, settu mikla pressu á okkur og náðu að setja þetta mark. Þá auðvitað var þetta bara galopið, en við erum með lið sem hefur margoft verið í þeirri stöðu að þurfa að sigla heim eins marks úrslitum og við gerðum það virkilega vel og fagmannlega í kvöld."
Sigurinn var gríðarlega mikilvægur, en framundan er toppslagur í Laugardalnum á móti Króatíu í júní!
„Ég myndi segja að þetta hafi verið algjör lykill upp á framhaldið í riðlinum. Ef við hefðum misstigið okkur í dag, þá hefði þetta orðið á brattann að sækja," sagði Hannes að lokum.
Hér að ofan má sjá viðtalið í heild sinni.
Athugasemdir
