Ísland náði í öll stigin til Albaníu þegar liðið vann 2-1 útisigur gegn Kosóvó í kvöld. Fótbolti.net ræddi við Helga Kolviðsson, aðstoðarþjálfara Íslands, eftir leikinn.
Lestu um leikinn: Kosóvó 1 - 2 Ísland
„Við vissum að þetta yrði erfitt og sú varð raunin. Við fengum pressuna á okkur í byrjun seinni hálfleiks og þeir efldust við að skora mark. Það kom okkur ekki á óvart að þetta var erfitt en mikilvægast var að við náðum þremur stigum," sagði Helgi.
Helgi var spurður út í þá ákvörðun að láta Björn Bergmann byrja en geyma Jón Daða á bekknum.
„Við vorum þrjá daga á Ítalíu og þar voru allir jafnir. Það var okkar ákvörðun að byrja leikinn svona. Það er alltaf gott að hafa Jón Daða í bakhöndinni að koma inná og það sást í seinni hálfleik hversu mikilvægur hann var. Hann vinnur svo mikið að það létti pressuna."
Helgi tók undir að það væru forréttindi fyrir Ísland að hafa leikmann eins og Gylfi er.
„Hann er að spila frábærlega með sínu liði og hann kemur með það inn í landsliðið líka, þar á meðal á æfingar. Það hagnast allir á því."
Viðtalið er í heild í sjónvarpinu hér að ofan.
Athugasemdir