Fyrirliðinn Haukur Páll Sigurðsson skoraði sigurmark Valsmanna í kvöld þegar þeir unnu 1-0 sigur gegn FH í Meistarakeppni KSÍ.
Lestu nánar um leikinn
Lestu nánar um leikinn
Lestu um leikinn: Valur 1 - 0 FH
„Það er alltaf gaman að skora og fá bikar. Þetta var mjög erfiður leikur gegn góðu FH-liði. Það er gott að taka sigur inn í mótið. Þetta voru tvö frábær lið að spila fótbolta þó það hafi verið smá vorbragur," sagði Haukur eftir leik.
Liðið hefur leikið vel í vetur, getur það barist um Íslandsmeistaratitilinn?
„Vonandi. Við höfum verið að spila vel á undirbúningstímabilinu og áttum flotta æfingaferð til Bandaríkjanna. Við erum nokkuð ánægðir með undirbúningstímabilið en það telur ekkert nema við náum úrslitum í sumar."
Fyrsti leikur Vals í Pepsi-deildinni er gegn Víkingi Ólafsvík á laugardaginn en Ejub Purisevic, þjálfari Ólsara, var meðal áhorfenda á Valsvellinum í kvöld.
„Við ætlum að ná í þrjú stig gegn Víkingi Ólafsvík og byrja þetta með trukk. Við gerum kröfu á okkur að vinna á sunnudaginn."
Athugasemdir