Freyr var sáttur með sína menn.
Leiknir vann 3-2 sigur gegn Val í hörkuleik í Reykjavíkurmótinu og tryggði sér sæti í undanúrslitum mótsins.
Freyr Alexandersson, annar þjálfari Leiknismanna, var ánægður með margt hjá sínum leikmönnum.
Freyr Alexandersson, annar þjálfari Leiknismanna, var ánægður með margt hjá sínum leikmönnum.
,,Þetta var mjög skemmtilegt og ótrúlega góð æfing. Við fengum mikið út úr þessu, gegn góðu og sterku liði Vals. Við þurftum að vera klárir í slagsmál, og við vorum það. Vorum yfir í þeirri baráttu oft á tíðum, það var gott test" sagði Freyr við Fótbolta.net.
,,Það var einnig gott test að leikurinn fór í háaloft og við héldum haus. Við vorum mjög sterkir þar, og svo náum við að jafna og vinna leikinn á stuttum tíma, þrátt fyrir að hafa verið með boltann mjög lengi án þess að skapa góð færi. Það var góð æfing að spila á móti svona varnarmúr."
Athugasemdir
