„Huginn er alveg ótrúlegt lið, þeir eru duglegir, kjarkaðir og þetta var þolinmæðisverk," sagði Bjarni Jóhannsson, þjálfari Eyjamanna eftir 2-0 sigur gegn Hugin í dag.
Lestu um leikinn: ÍBV 2 - 0 Huginn
ÍBV átti fjöldan allan af færum í fyrri hálfleik en náðu ekki að skora.
„Þar sem við náðum ekki að skora miðað við öll þessi færi þá var þetta þolinmæðisverk og það sást þegar við skoruðum loks fyrsta markið að þá þurftu þeir að koma framar og leikurinn opnaðist meira," sagði Bjarni.
Hugin ferðaðist langa leið til að komast alla leið til Vestmannaeyja frá Seyðisfirði.
„Mig langar að nýta tækifærið og þakka Hugin fyrir góðan leik, þetta var rándýrt ferðalag og mér finnst að KSÍ ætti að skoða þessar reglur og þegar það koma upp svona rándýrir leikir að bjóða mönnum þá upp á að ferðast á mannsæmandi hátt, sumir drættir eru einfaldlega dýrari en aðrir," sagði Bjarni að lokum.
Athugasemdir