Heimamenn í Leikni Reykjavík náðu sínum fyrsta sigurleik í hús gegn nöfnum sínum í Fáskrúðsfirði í dag á Leiknisvellinum. Lokatölur voru 2-0 í hressum og skemmtilegum fótboltaleik,

„Hann var kærkominn - Við lögðum leikinn upp með að fara aðeins í grunninn aftur og berjast og hafa þetta svolítið einfalt og bara ná í sigur," sagði Kristófer Sigurgeirsson, þjálfari Leiknis, kátur í leikslok

Leiknisliðið skipti úr 3-5-2 í 4-2-3-1 í dag og það skilaði sínu
„Já við þekkjum þetta kerfi vel og spiluðum það svo sem allt undirbúningstímabilið - þannig að það er náttúrulega eitthvað sem við kunnum bara," svaraði Kristófer

„Ég var mjög sáttur hvað við sköpuðum mikið af færum," bætti Kristófer við.

„Sérstaklega var ég ánægður með að við héldum markinu hreinu - það er svolítill tími síðan það gerðist og það er eitthvað sem er jákvætt."

„Vissulega var það svolítið tæpt þarna í lokin þar sem við fengum á okkur vítaspyrnu - en Eyjó reddaði okkur."