Valverde var að renna út á samning í sumar en hann hefur þjálfað Bilbao undanfarin fjögur ár. Hann hóf þjálfaraferil sinn hjá félaginu árið 2001 og hefur þá einnig þjálfað önnur félög á borð við Olympiakos og Villarreal.

Luis Enrique hættir með Barcelona í sumar og ætlar félagið að fá Valverde í hans stað.

Bilbao hefur brugðist við því með því að ráða Jose Angel Ziganda sem þjálfara liðsins. Hann lék árum áður með Bilbao auk þess sem hann hefur þjálfað hjá Xerez og Osasuna.