„Ég er bara mjög ánægður með þessi þrjú stig í dag og þessa vinnslu hjá strákunum. Þetta var bara mjög gott.“ Sagði Tufa þjálfari KA-manna eftir 2-0 sigur á HK í dag en með sigrinum halda KA-menn sér á toppi deildarinnar með 16 stig.
Lestu um leikinn: KA 2 - 0 HK
„Mér fannst við hafa þetta undir control frá upphafi til enda. Við fengum fleiri færi til að sigurinn yrði stærri en á endanum 2-0 og við höldum hreinu svo þetta er bara mjög gott.“
Fyrir leikinn gegn Leikni R. Setti Tufa Almarr á miðjunna, Ásgeir á kantinn og Nkumu á bekkinn. Aðspurður um þessa breytingu sagði Tufa:
„Við unnum báða þessa leiki og þá er þessi breyting kannski góð. En ég með rosa stóran og flottan hóp og allir strákar sem voru að koma inná í dag og í seinustu leikjum voru að breyta leikjunum fyrir okkur. Þetta er stór hópur og þeir eru allir að gera vel.“
„Við vorum að taka 3 stig í dag og erum komnir aftur á toppinn sem er mikilvægt hjá okkur en það eru bara 7 leikir búnir. Það er mikil vinna framundan og við tökum bara einn leik í einu.“
Nánar er rætt við Tufa í spilaranum fyrir ofan
Athugasemdir