Everton er í ellefta sæti deildarinnar sem stendur en liðið mætir Stoke City á morgun eftir að hafa tapað fyrir Southampton síðustu helgi, 3-0.

Spænski stjórinn telur að Everton eigi meira inni og geti vel náð fjórða sætinu ef það snýr gengi sínu við.

,,Við höfum ekki verið í jafnvægi ef við lítum á úrslitin. Við verðum að læra af leikjum eins og gegn Southampton og við erum núna einbeittir á að ná jafnvægi í okkar leik," sagði Martinez.

,,Fjórða sætið er ekki úr augsýn. Það eru einungis tvö lið sem koma til með að berjast um titilinn svo það eru tvö önnur sæti laus," sagði hann að lokum.