Það var einn leikur á dagskrá í ensku B-deildinni í dag en þar mættust erkifjendurnir Norwich og Ipswich Town.

Heimamenn stjórnuðu leiknum á Carrow Road í dag og var það því köld gusa í andlit þeirra þegar Ipswich tók forystuna á 63. mínútu þökk sé marki Jonas Knudsen.

Heimamenn voru þó fljótir að svara og var það Josh Murphy sem jafnaði metin aðeins sex mínútum síðar.

Vond úrslit fyrir heimamenn í Norwich sem fjarlægast umpsilssætin en liðið situr í áttunda sæti, sex stigum frá efstu sex.

Ipswich er í 15. sæti með 42 stig og ljóst að liðið siglir lygnan sjó þetta tímabil.