Óhugnalegt atvik átti sér stað í tékknesku úrvalsdeildinni þegar liðin Bohemians og Slovacko áttust við.
Martin Berkovec, markvörður Bohemians getur þakkað Francis Kone, sóknarmanni Slovacko fyrir að vera á lífi eftir leik liðanna.
Berkovec hafði komið út að enda teigsins þegar samherji hans Daniel Krch hljóp á hann. Berkovec missti meðvitund og gleypti tungu sína í leiðinni.
Kone var fljótur að hugsa og sá að eitthvað alvarlegt hafði gerst og fór strax að athuga hvort Berkovec andaði.
„Ég vil þakka Kone fyrir björgunina í leiknum. Ég er ánægður með hjálpina og takk aftur! sagði Berkovec.
Talið er að Berkovec nái sér að fullu.
Athugasemdir