„Í ár eru 150 ár liðin frá fæðingu séra Friðriks. Það er því við hæfi að tileinka honum og mörgum af bestu sonum og dætrum Vals þessa treyju," segir í tilkynningu Vals.

„Treyjan skartar fæðingarári og nafni sr. Friðriks á kraga hennar og að innan er rituð tilvitnun í frægustu orð hans sem við þekkjum öll „Látið aldrei kappið bera fegurðina ofurliði“. Á treyjuna eru einnig prentuð nöfn 53 leikmanna sem leikið hafa með Val og landsliði Íslands í knattspyrnu, auk þess sem Valsmerkið er sérstaklega veglegt."

Treyjan verður eingöngu notuð í sumar en Valsmenn eiga heimaleik gegn KR á morgun í fyrstu umferð Pepsi-deildarinnar.

Sjá einnig:
Líkleg byrjunarlið Vals og KR



Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!