Steven Lennon í leik með Fram
Steven Lennon, framherji FH í Pepsi-deildinni, var ánægður með 2-0 sigur liðsins á Fylki í kvöld en þetta var fyrsti leikur hans fyrir félagið.
Lennon kom inná í síðari hálfleik en hann gekk til liðs frá Sandnes Ulf á dögunum.
,,Það er gott að vera kominn aftur. Góð úrslit en eina sem ég myndi breyta er þessi rigning og kuldi en ég naut þess að spila og koma í sigurlið. Ég þarf að vera í slíku liði,"
,,Ég byrjaði leikina með Sandnes á vængnum en til að ná fram því besta úr mér þarf ég að spila fyrir aftan framherja eða frammi og vera stöðugt inni í leiknum. Maður verður að vera ánægður þegar maður spilar fótbolta og ef ég kem hingað, vinn leiki og spila mína stöðu þá verð ég ánægður."
Lennon valdi FH framyfir KR en hann telur ákvörðunina hafa verið rétta. Hann grínaðist með það að morðhótanir frá Sam Hewson og Sam Tillen komu í veg fyrir að hann færi í KR.
,,Þetta eru bæði svipuð lið og berjast stöðugt um bikar og deild. Ég fékk morðhótanir frá Hewson og Tillen svo ég varð að velja FH. Bæði lið eru svipuð en FH er á mikilli uppleið og liðið bætir sig stöðugt og ég vil fara að vinna bikara."
,,Þetta gerðist mjög hratt og það var ekki tími til að ræða við önnur lið. Það voru nokkur lið sem vildu fá mig en þetta eru augljóslega bestu liðin. Ég varð að velja og ég held að þetta hafi verið rétt ákvörðun," sagði hann að lokum.
Hægt er að sjá viðtalið í heild sinni hér fyrir ofan.
Athugasemdir
