Fellaini hefur misst af síðustu tveim leikjum Man Utd en hann glímir við meiðsli í rifbeini, meiðsli sem hann hlaut í sigurleiknum gegn Liverpool.

Belginn stóri og stæðilegi hefur unnið sér sæti í byrjunarliðinu á þessu tímabili en mun væntanlega ekki snúa aftur fyrren í bikarleiknum gegn Yeovil um næstu helgi.

Luke Shaw, Daley Blind og Marcos Rojo eru allir að koma til baka eftir meiðsli og er búist við því að Shaw fái mínútur í leiknum á morgun en Adnan Januzaj verður væntanlega enn fjarverandi sökum veikinda. Þá er Angel Di Maria meiddur og óvíst hvenær hann snýr aftur.