Þjóðverjinn Dietmar Hamann, sem eitt sinn lék með Liverpool, var ekkert að skafa af hlutunum eftir sigur Íslands gegn Englandi í gær.
Hamann var sérfræðingur í sjónvarpi og hann hafði skýringar á lélegu gengi enska landsliðsins.
Hann sagði meðal annars að enska úrvalsdeildin væri ofmetin og í besta falli í meðallagi. Jafnframt segir hann að Englendingar geri óraunhæfar væntingar á lið sitt einfaldlega vegna þess að áhuginn á ensku deildinni sé mikill.
Hann bætti því við að einungis örfáir leikmenn úr enska landsliðinu gætu spilað stórt hlutverk hjá stórliðum utan Englands.
Athugasemdir
