Fótbolti.net

fös 29. maí 2015 14:00

Magnús Már Einarsson

Ritgerð um íslenska landsliðið - Hugarfar atvinnumannsins

Unnur Helgadóttir.

Mynd: Úr einkasafni

Mynd: Fótbolti.net - Hafliði Breiðfjörð

Unnur Helgadóttir, meistaranemi í mannauðsstjórnun í HÍ, ákvað að skrifa um hugarfar hjá leikmönnum íslenska landsliðsins í fótbolta í meistararitgerð sinni.

Ritgerð hennar ber heitið: „Hugarfar atvinnumannsins: Rannsókn um áhugahvöt, stjórnunarstíl og umgjörð íslenska karlalandsliðsins í knattspyrnu"

„Ástæða þess að ég valdi karlalandslið Íslands í knattspyrnu fyrir umfjöllunarefni í meistararitgerð minni í mannauðsstjórnun er annarsvegar sú að mig langaði að taka annan vinkil á hvatningu en út frá hefðbundnu starfsumhverfi sem hefur verið rannsakað mikið. Hinsvegar hafði ég áhuga á því að skoða landsliðið út frá árangri þess undanfarin ár. Liðið hefur umbreyst og vakti það upp spurningar sem mér fannst vert að svara í þessari ritgerð," segir Unnur um ritgerðina.

„Niðurstöðum rannsóknarinnar er hægt að skipta í þrennt. Í fyrsta lagi kom í ljós að rétt hugarfar skiptir einna mestu máli til þess að ná árangri. Leikmenn sögðu að án hugarfarsins gæti reynst erfitt að nýta hæfileika til fulls."

„Í öðru lagi starfa þeir í miklu samkeppnisumhverfi þar sem áhersla er lögð á að vera alltaf klár í slaginn, eins og þeir orðuðu það. Þeir þurfa sífellt að toppa eigin frammistöðu í samanburði við aðra leikmenn. Í þriðja lagi kom í ljós að skýr stefna og sýn ýtir undir aukinn árangur og sterkari liðsheild. Að auki þarf virðing, traust og trú að vera til staðar svo að samvinna milli þjálfara og leikmanna gangi sem best."

„Það sem kom mér mest á óvart í þessari rannsókn var hvernig leikmenn líta á mistök. Þeir láta slæma sendingu ekki hafa áhrif á sig og horfa sífellt fram á veginn. Það er einfaldlega ekki í boði að sitja við mistök eða reyna að bæta upp fyrir þau. Einn leikmanna orðaði þetta skemmtilega og sagði „bara vera smá gullfiskur“ þar sem hann vísar til þess að það sé mikilvægt að vera fljótur að gleyma og einbeita sér að framhaldinu."

„Einnig fannst mér áhugavert að sjá hversu mikil breyting hefur orðið á umgjörð liðsins og skýrum vinnureglum. Þjálfararnir hafa lagt mikla áherslu á stefna liðsins sé sýnileg og að unnið sé eftir ákveðnum reglum. Leikmenn vita því nákvæmlega til hvers er ætlast til af þeim. Sameiginlegur taktur einkennir liðið sem endurspeglast í sterkri liðsheild."

Smelltu hér til að lesa ritgerðina á Skemmunni

		L	U	J	T	ms:	mf:	mun	Stig
1	Zenit	25	15	5	5	44	22	+22	50
2	FK Krasnodar	25	14	7	4	41	25	+16	49
3	Dinamo	25	12	8	5	42	33	+9	44
4	Lokomotiv	25	10	11	4	42	34	+8	41
5	Kr. Sovetov	25	11	6	8	43	35	+8	39
6	Spartak	25	11	6	8	34	29	+5	39
7	CSKA	25	9	11	5	44	33	+11	38
8	Rostov	25	10	7	8	37	38	-1	37
9	Rubin	25	10	6	9	23	30	-7	36
10	Nizhnyi Novgorod	25	8	4	13	24	33	-9	28
11	Orenburg	25	6	8	11	28	33	-5	26
12	Fakel	25	6	8	11	19	28	-9	26
13	Akhmat Groznyi	25	7	5	13	24	37	-13	26
14	Ural	25	6	6	13	24	39	-15	24
15	Baltica	25	6	5	14	25	31	-6	23
16	Sochi	25	4	7	14	26	40	-14	19