Framarar stigu stórt skref í að bjarga sér frá falli úr 1. deildinni í dag með 3-1 sigri gegn BÍ/Bolungarvík. Fram er nú sex stigum frá fallsæti og þarf ansi mikið að gerast til að liðið falli.
Daði Guðmundsson lék allan leikinn fyrir Fram en hann var að leika sinn 400. leik fyrir félagið!
Daði Guðmundsson lék allan leikinn fyrir Fram en hann var að leika sinn 400. leik fyrir félagið!
Lestu um leikinn: Fram 3 - 1 BÍ/Bolungarvík
„Þetta var algjörlega nauðsynlegur sigur. Ég hélt að við ætluðum að klúðra þessu á tímabili en svo fórum við að gera það sem við ætluðum að gera frá upphafi, setja pressu á þá. Þetta kom síðustu 15-20 mínúturnar," segir Daði.
„Við höfum verið sveiflukenndir á þessu tímabili og átt í vandræðum með að ná tveimur góðum leikjum í röð. Tímabilið hefur verið vonbrigði, við ætluðum okkur miklu meira. Við getum lært mikið af þessu tímabili og líka því síðasta. Við verðum að læra af mistökunum."
Daði hefur svo sannarlega gengið í gegnum súrt og sætt í búningi Fram.
„Ég hefði viljað fleiri titla en við höfum bjargað okkur frá falli í síðasta leik oftar en ég kæri mig um að muna. Vonandi fer þetta á uppleið núna," segir Daði sem viðurkennir að vera farinn að íhuga að leggja skóna á hilluna en vill ekki vera með neinar yfirlýsingar.
Viðtalið má sjá í heild sinni hér að ofan.
Athugasemdir
