Legia Varsjá hefur verið skipað að spila heimaleik sinn í Meistaradeild Evrópu gegn Real Madrid þann 2. nóvember bak við luktar dyr.
Það verður því áhorfendalaus völlur þegar sjálfir Evrópumeistararnir heimsækja Pólland, eitthvað sem eru mikil vonbrigði fyrir marga fótboltaáhugamenn í landinu.
Það verður því áhorfendalaus völlur þegar sjálfir Evrópumeistararnir heimsækja Pólland, eitthvað sem eru mikil vonbrigði fyrir marga fótboltaáhugamenn í landinu.
UEFA hefur einnig sektað Legia Varsjá um 80 þúsund evrur.
Þetta er vegna hegðunar áhorfenda í Meistaradeildarleiknum gegn Borussia Dortmund þann 14. september. Áhorfendur á leiknum létu ófriðlega, kveiktu á blysum og voru með kynþáttafordóma.
Legia Varsjá er á botni F-riðils Meistaradeildarinnar án stiga eftir tvær umferðir, Sporting Lissabon hefur 3 stig en Real Madrid og Dortmund 4 stig hvort.
Athugasemdir