Varnarmaðurinn Hlynur Atli Magnússon gæti einnig verið á förum en hann hefur leikið með Þór undanfarin tvö tímabil. Hlynur fór úr axlarlið undir lok tímabilsins og eins og staðan er í dag verður hann ekki áfram hjá Þór.

,,Það getur þó vel verið að við skoðum það eftir áramót þegar hann verður orðinn heill," sagði Magnús.

Áður hafði verið greint frá því að Chuck Chijindu og Shawn Nicklaw muni fara frá Þór og þá er Jóhann Þórhallsson búinn að ákveða að leggja skóna á hilluna.

Ungverski markvörðurinn Sandor Matus verður aftur á móti líklega áfram hjá Þór þrátt fyrir áhuga hjá félögum í Pepsi-deildinni.

,,Hann verður 99% áfram en það er ekkert klárt fyrr en samningur er í höfn. Honum líður vel hjá okkur og það eru allar líkur á að hann verði áfram," sagði Magnús.

Halldór Jón Sigurðsson tók við þjálfun Þórs á dögunum en möguleiki er á að Orri Freyr Hjaltalín verði spilandi aðstoðarþjálfari hjá liðinu í 1. deildinni næsta sumar.

,,Það hafa verið viðræður við hann en það er ekki búið að ganga frá neinu," sagði Magnús um Orra.