Bayer Leverkusen mun leika í Meistaradeildinni á næsta tímabili, en þetta varð ljóst eftir sigur liðsins á Herthu Berlín í Þýsku Bundesligunni í dag.

Leikurinn var aðeins tveggja mínútna gamall þegar Julian Brandt kom Bayer yfir. Lars Bender bætti síðan við marki á 16. mínútu.

Fimm mínútum eftir mark Bender skoraði Vedad Ibisevic og minnkaði muninn og var því staðan í hálfleik 2-1.

Þannig var staðan einnig þegar flautað var til leiksloka, en ekkert mark var skorað í seinni háfleik og sigur Bayer því staðreynd.

Ljóst er að Bayer mun enda í þriðja sæti deildarinnar, sem þýðir að liðið muni spila í Meistaradeildinni á næsta tímabili. Hertha er í fimmta sæti með 49 stig og á ennþá möguleika á sæti Meistaradeildinni.