Þjálfarinn góðkunni Magnús Gylfason er með íslenska hópnum sem býr sig undir vináttulandsleikinn gegn Noregi. Magnús fór nýlega inn í landsliðsnefnd KSÍ og er til taks fyrir hópinn.
„Þetta er skemmtilegt tækifæri til að fylgjast með því frábæra starfi sem hefur verið unnið. Vonandi verður eitthvað gagn af mér," sagði Magnús sem verður einnig með liðinu í Frakklandi.
Magnús hefur mikla reynslu sem þjálfari, bæði í efstu deild og hjá yngri landsliðum, og segist alveg til í að stökkva í að taka æfingar ef á þarf að halda.
„Ég hef tekið nokkrar landsliðsæfingar svo það væri hægt að koma því við. Ég held að ég hafi þjálfað flesta þessa gutta í yngri landsliðunum."
Viðtalið má sjá í sjónvarpinu hér að ofan en þar er Magnús meðal annars spurður út í riðil Íslands á EM og væntingarnar fyrir mótið.
Athugasemdir