Vonandi skorar hann ekki á sunnudag.
Garerth Bale hjá Wales og Antoine Griezmann hjá Frakklandi eru markahæstu leikmenn EM til þessa. Báðir hafa þeir skorað þrjú mörk í fjórum leikjum.
Bale hefur það helst fram yfir Griezmann að hafa gert eina stoðsendingu en búast má við spennandi baráttu um markakóngstitilinn.
Íslenska liðið mun vonandi hafa áhrif á baráttuna með því að koma í veg fyrir að Griezmann skori í leik Íslands og Frakklands á sunnudag.
Bale og félagar í Wales mæta svo Belgum í 8-liða úrslitunum.
Spánverjinn Alvaro Morata skoraði einnig þrjú mörk á mótinu en Spánverjar eru úr leik á EM.
Athugasemdir
