Federico Fernandez, leikmaður Swansea, var rekinn af velli í 16-liða úrslitum deildabikarsins en rauða spjaldið hefur verið dregið til baka af enska knattspyrnusambandinu.
Swansea tapaði leiknum gegn Liverpool á Anfield Road en staðan var 1-1 þegar Fernandez var rekinn af velli á 92. mínútu eftir tæklingu á Philippe Coutinho.
Swansea tapaði leiknum gegn Liverpool á Anfield Road en staðan var 1-1 þegar Fernandez var rekinn af velli á 92. mínútu eftir tæklingu á Philippe Coutinho.
Dejan Lövren skoraði sigurmarkið úr aukaspyrnu á 95. mínútu, nokkrum mínútum eftir að Fernandez var rekinn af velli.
,,Þetta var alls ekki rautt spjald, það er augljóst. Þetta var heiðarleg tækling," sagði Gary Monk, knattspyrnustjóri Swansea, eftir leikinn.
,,Vonandi mun dómarinn átta sig á mistökum sínum og rauða spjaldið dæmt ógilt."
Argentínski varnarmaðurinn Fernandez gæti því byrjað í mikilvægum deildarleik gegn Everton á laugardaginn.
Athugasemdir