Eyjamenn féllu úr leik í Borgunarbikarnum eftir 5-2 tap á heimavelli gegn KR í undanúrslitum í kvöld. KR-ingar voru 2-0 yfir í hálfleik en Eyjamenn minnkuðu muninn strax í upphafi seinni hálfleiks. Lengra komust þeir ekki og KR-ingar tryggðu sér sæti í úrslitaleiknum.
Þórarinn Ingi leikmaður ÍBV var að vonum niðurlútur eftir leikinn og svekktur með að detta úr leik. Hann var þó ánægður með spilamennskuna í fyrri hálfleik þrátt fyrir stöðu mála í hálfleik.
Þórarinn Ingi leikmaður ÍBV var að vonum niðurlútur eftir leikinn og svekktur með að detta úr leik. Hann var þó ánægður með spilamennskuna í fyrri hálfleik þrátt fyrir stöðu mála í hálfleik.
,,Við erum grautfúlir að detta úr leik. Það er mikil svekkelsi og við verðum bara að læra af þessu. Mér fannst við spila frábærlega í fyrri hálfleik og við vorum alveg með þá og við fáum færi. Þeir hinsvegar komast yfir og það er eitthvað sem við verðum að læra, það er að taka sénsinn þegar við erum með momentin með okkur. Við verðum að skora og gera þetta auðveldara fyrir okkur."
,,Verslunarmannahelgi eða ekki Verslunarmannahelgi. Mér er alveg sama. Að tapa gegn KR á heimavelli er grautfúlt og þvílíkt svekkjandi. Þetta er í annað sinn sem ég tapa í undanúrslitum í bikarnum og þetta er alltaf jafn svekkjandi. Núna þarf maður bara að njóta þess að vera á Þjóðhátíð með vinum og fjölskyldu," sagði Þórarinn Ingi að lokum.
Viðtalið er í heild sinni í sjónvarpinu hér að ofan.
Athugasemdir