Lárus Orri Sigurðsson skaut á KA.
Í útvarpsþættinum Fótbolti.net á laugardaginn var rætt við þjálfara Akureyrarliðanna Þórs og KA.
Þórsarar hafa verið á flottu skriði í Inkasso-deildinni eftir erfiða byrjun og eru nú þremur stigum frá öðru sætinu.
KA-menn fóru af stað í Pepsi-deildinni með miklum látum en stigasöfnunin hefur ekki verið eins góð upp á síðkastið og liðið er um miðja deild.
Þórsarar hafa verið á flottu skriði í Inkasso-deildinni eftir erfiða byrjun og eru nú þremur stigum frá öðru sætinu.
KA-menn fóru af stað í Pepsi-deildinni með miklum látum en stigasöfnunin hefur ekki verið eins góð upp á síðkastið og liðið er um miðja deild.
Greinilegt er að rígurinn milli þessara félaga lifir góðu lífi en Lárus Orri Sigurðsson, þjálfari Þórs, skaut létt á KA.
„Við erum eina liðið á Akureyri sem fylgir þeirri stefnu að vera með heimamenn. Maður finnur fyrir meðbyr frá fólkinu út af því," segir Lárus og skýtur á KA.
„Það er gaman að sjá að fyrirtæki eru tilbúin að standa með þeim í þessu. Þeir eru atvinnumannalið í dag. Það er ekkert öðruvísi. Þeir hljóta að stefna hátt miðað við þær fjárfestingar sem þeir eru í. Aðgengi KA-manna að fjármagni hefur altaf verið meira en stuðningurinn og hjartað verið Þórsmegin."
Srdjan Tufegdzic, þjálfari KA, tók undir það að rígurinn væri svo sannarlega til staðar en benti á að þeir væru í úrvalsdeildinni og Þórsarar í 1. deildinni og ekki væri hægt að skjóta á milli deilda.
Hlustaðu á viðtölin við Lárus og Túfa í spilaranum hér að ofan.
Túfa, þjálfari KA.
Athugasemdir
