Karólína Lea Vilhjálmsdóttir.
Er í lykilhlutverki hjá landsliðinu.
„Þetta verður hörkuleikur og það er mikið undir. Það er mikil tilhlökkun," segir landsliðskonan Karólína Lea Vilhjálmsdóttir um leikinn gegn Noregi í Þjóðadeildinni á morgun.
Stelpurnar okkar eru mættar út til Noregs og æfðu í morgun á Lerkendal leikvanginum í Þrándheimi þar sem leikurinn gegn Noregi fer fram.
Stelpurnar okkar eru mættar út til Noregs og æfðu í morgun á Lerkendal leikvanginum í Þrándheimi þar sem leikurinn gegn Noregi fer fram.
Karólína skoraði þrennu í síðasta landsleik sem hún spilaði sem var gegn Sviss.
„Það er kannski erfitt að toppa hann, en ég myndi taka að vinna leikinn í staðinn og vonandi vinnum við á morgun," sagði Karólína.
Henni líst vel á völlinn, sem er heimavöllur Rosenborg. „Þetta er mjög fallegur völlur. Flottir litir, svart og hvítt, FH-litirnir og mér mun því líða vel."
Hvað gerist næst?
Karólína var að klára sitt annað tímabil á láni hjá Bayer Leverkusen, en hún fer ekki þangað aftur. Hún á eitt ár eftir af samningi sínum við Bayern München og óvíst hvað gerist með það, hvort hún verði þar áfram eða fari annað.
„Ég kláraði lánið mitt hjá Leverkusen og er samningsbundin Bayern núna. Annað verður að koma í ljós," sagði Karólína og brosti.
Verður þú áfram hjá Bayern á næsta tímabili?
„Þú verður bara að bíða spenntur. Ég veit það eiginlega ekki sjálf."
Er eitthvað í gangi núna?
„Fólk á Twitter þykist vita það, en það veit þá meira en ég," sagði Karólína. „Ég á eftir að tala við fólk og sjá mína möguleika. Ég er ekkert mikið að stressa mig á þessu. Þetta er langur gluggi og EM er inn í myndinni."
Allt viðtalið má sjá í spilaranum hér að ofan þar sem Karólína ræðir frekar um leikinn og sumarið sem er framundan.
Athugasemdir
