Kantmaðurinn Birnir Breki Burknason mun spila með Leikni á láni frá ÍA á komandi tímabili. Leiknismenn greina frá þessum tíðindum á Instagram.
Birnir Breki er fæddur 2006 og uppalinn í HK en hann var keyptur til ÍA á síðasta ári.
Þessi spennandi leikmaður kom til ÍA um mitt síðasta sumar og spilaði fjóra leiki í Bestu deildinni.
Hann hefur nú verið sendur til Leiknis á láni út tímabilið þar sem honum er ætlað stórt hlutverk.
Birnir hefur skorað fimm mörk í 43 meistaraflokksleikjum og á þar að auki þrjá leiki með U19 ára landsliði Íslands.
Þetta er annar leikmaðurinn sem Leiknir sækir á láni frá ÍA, en varnarmaðurinn Arnór Valur Ágústsson kom til félagsins fyrir fáeinum dögum síðan.
Leiknir hafnaði í 9. sæti Lengjudeildarinnar með 23 stig á síðasta tímabili.
