Daniel Cousin til Hull (Staðfest)

Cousin var á leið til Fulham í janúar en félagaskiptareglur bönnuðu það þar sem hann hafði þegar leikið með tveimur félögum á árs tímabili.

Cousin skoraði ellefu mörk í 28 leikjum á tíma sínum hjá Rangers en hann kom til liðsins frá Lens á 1,1 milljón punda í ágúst 2007.

Eitt af mörkum Cousin kom í 4-2 sigri Rangers á Celtic í grannaslag í gær en hann var einnig rekinn af velli í sama leik.

Þessi 31 árs gamli leikmaður er frá Gabon en hann hefur skorað 17 mörk í 47 landsleikjum fyrir þjóð sína.