Xisco til Newcastle (Staðfest)

Xisco, sem er 22 árs gamall gerir fimm ára samning við Newcastle eftir að hafa staðist læknisskoðun nú seint í kvöld. Kaupverðið er talið nema um 5,7 milljónir punda en getur svo hækkað upp í 8,3 milljónir með ásettum bónusum.

Hann brilleraði í fyrra með Deportivo þegar hann skoraði 9 mörk í 24 leikjum og var einn af lykilmönnum liðsins.

Þetta er annar leikmaðurinn sem Keegan fær í dag, en hann fékk Ignacio Gonzalez, miðvallarleikmanninn kunna frá Valencia að láni út tímabilið.