Stefán Jóhann Eggertsson í Val (Staðfest)

Stefán er 25 ára gamall bakvörður en hann hefur alla sína tíð leikið með HK. Í sumar skoraði hann sex mörk í þrettán leikjum í fyrstu deildinni.

Stefán hefur verið til skoðunar hjá Val að undanförnu en hann lék meðal annars með liðinu í æfingaleik gegn FH á dögunum. Stefán er spenntur fyrir því að ganga í raðir Vals.

,,Mér líst bara alveg gríðarlega vel á það, þetta er flottur klúbbur með langa sögu og eina glæsilegustu umgjörð á landinu,\" sagði Stefán Jóhann á heimasíðu Vals.

,,Mér leist bara vel mjög vel á Val og ekki spillti það fyrir að öll tengdafjölskyldan eru miklir Valsarar þannig að ákvörðunin var frekar auðveld.\"

Stefán Jóhann lék í stöðu hægri bakvarðar með Val gegn FH og hann stefnir á að festa sig í sessi í byrjunarliðinu.

,,Já það er alveg á hreinu að ég er ekki kominn í Val til að sitja á bekknum þar er deginum ljósara. Þannig að jú að sjálfsögðu geri ég það.\"

,,Ég er kominn í Val til að vinna titla þannig að í mínum huga eru markmiðin skýr... Toppbarátta og ekkert annað,\" sagði Stefán við heimasíðu Vals.