15.11.26 - 09:00
Ívan Guðjón Baldursson
Inzaghi ekki búinn að taka ákvörðun
Mynd: EPA
Mynd: EPA
Mynd: EPA
Ítalski þjálfarinn Simone Inzaghi, sem gerði magnaða hluti við stjórnvölinn hjá Inter og kom liðinu tvisvar sinnum í úrslitaleik Meistaradeildarinnar á þremur árum, rennur út á samningi hjá Al-Hilal næsta sumar.
TENGT EFNI
Segja Inzaghi vera á förum í sumar
Inzaghi fékk risastóran tveggja ára samning hjá Al-Hilal í fyrrasumar og mistókst að vinna deildina á sínu fyrsta tímabili eftir harða titilbaráttu við Cristiano Ronaldo og félaga í Al-Nassr.
Al-Hilal gekk vel á löngum köflum en tókst þó einungis að vinna einn titil, sádi-arabíska konungsbikarinn.
Talið er að Inzaghi hafi ekki lengur þörf á ofurlaununum sem bjóðast í Sádi-Arabíu og segja fjölmiðlar á Ítalíu að hann vilji snúa aftur í ítalska boltann á næstu leiktíð.
Federico Pastorello, umboðsmaður Inzaghi, hefur tjáð sig um orðrómana. Hann segir það ekki vera rétt að Inzaghi sé búinn að ákveða að yfirgefa Sádi-Arabíu eftir tímabilið.
„Fréttirnar um að Inzaghi sé búinn að taka ákvörðun um að yfirgefa Al-Hilal eru rangar. Engin ákvörðun hefur verið tekin varðandi framtíð Inzaghi," segir Pastorello.
Al-Hilal gekk vel á löngum köflum en tókst þó einungis að vinna einn titil, sádi-arabíska konungsbikarinn.
Talið er að Inzaghi hafi ekki lengur þörf á ofurlaununum sem bjóðast í Sádi-Arabíu og segja fjölmiðlar á Ítalíu að hann vilji snúa aftur í ítalska boltann á næstu leiktíð.
Federico Pastorello, umboðsmaður Inzaghi, hefur tjáð sig um orðrómana. Hann segir það ekki vera rétt að Inzaghi sé búinn að ákveða að yfirgefa Sádi-Arabíu eftir tímabilið.
„Fréttirnar um að Inzaghi sé búinn að taka ákvörðun um að yfirgefa Al-Hilal eru rangar. Engin ákvörðun hefur verið tekin varðandi framtíð Inzaghi," segir Pastorello.
Mynd: EPA
