Svona er fyrsta ótímabæra Lengjudeildarspáin

Í útvarpsþættinum Fótbolti.net á X977 á laugardaginn var ótímabæra spáin fyrir Lengjudeildina opinberuð. Baldvin Már Borgarsson sérfræðingur þáttarins mætti í hljóðver, skoðaði liðin og gaf þeim einkunn fyrir félagaskiptamarkaðinn.

Baldvin spáir því að Þróttur endi í efsta sæti deildarinnar og þar með tryggi sér sæti í Bestu deildinni. Þróttur var nálægt því að komast upp á síðasta ári en liðið tapaði úrslitaleik gegn Þór í lokaumferðinni og féll síðan úr leik gegn HK í undanúrslitum umspilsins.

Njarðvík, Afturelding, HK og Fylkir, munu öll tryggja sér sæti í umspilinu sem lýkur með úrslitaleik á Laugardalsvelli ef spáin gengur eftir.

Nýliðum Gróttu er spáð í 11. sæti deildarinnar og þá er Völsungi spáð botnsætinu með ævintýramanninn Patrick De Wilde við stjórnvölinn.