Delio Rossi rekinn frá Fiorentina (Staðfest)

Rossi ákvað að taka Adam Ljajic af velli á 33. mínútu leiks Fiorentina og Novara, en Ljajic klappaði fyrir þjálfaranum í kjölfarið og þá fór sérstök atburðarrás af stað.

Rossi réðst á Ljajic. Hann tók utan um háls hans og lét vaða þungum höggum í andlit hans, en stjórnarmenn Fiorentina gátu lítið annað gert en að láta ítalska þjálfarann flakka, enda um stórfellda líkamsárás að ræða.

Það fylgir þá sögunni að leiknum lauk með 2-2 jafntefli, en yfirlýsingu frá Fiorentina má sjá hér að neðan.

,,Eins leiðinlegt og þetta var þá var þetta alvarlegt atvik. Það er hreinlega ótrúlegt hvernig svona rólegur maður missti stjórn á skapi sínu, en það varð að reka hann,\" segir í yfirlýsingunni.